ادارة بركة السبع التعليمية تعصى قرارات الدكتور احمد زكى بدر وزير التعليم المصرى

احدث اجدد واروع واجمل واشيك ادارة بركة السبع التعليمية تعصى قرارات الدكتور احمد زكى بدر وزير التعليم المصرى

نعم تعصى قرارات وتوجيهات الحكومة وكل اعضاء الحكومة وبالتحديد قرار رئيس الوزراء رقم 155 لسنه 2007 وتوجيهات وزير التعليم الجديد الدكتور احمد زكى بدر من ضرورة الاهتمام بالتعليم الفنى وقامت بنقل مدرسة الاعدادى المهنى بنات الى مدرسة عواد سته فصول فقط والأيلة للسقوط ومدرسة الاعدادى المهنى بنين الى مدرسة الشيمياء الأيلة أيضا للسقوط بعد أن نقلت أمس مدرسة بركة السبع الابتدائية بنين من مدرستى الشيمياء وعواد الى مدرسة غريب الشيخ الجديدة الأن فقط وليس فى أول الترم نريد أن نعرف ماهى الفائدة من نقلهم الأن هل سيتم تحويل مدارس أخرى الى يوم كامل أبدا قرار خاطىء فى وقت خاطىء مؤثر على سير العملية التعليمية وبخاصة ان طلاب مدارس الاعدادى المهنى بنين وبنات من جميع انحاء مركز بركة السبع ومن البلاد والمراكز الاخرى والمواصلات الى المدرستين صعبة الا اذا كنتم تهدفون الى صرف الكادر على المواصلات وتشتيت اولاد الناس بدون سبب مدرسة 15 فصل الى مدرسة اربع فصول هو ده اللى الوزير قال علية فى اول مامسك الوزارة عجبى لأ مش كدة وبس دا ادارة بركة السبع ممسكة الدبلومات معامل الاوساط ومعامل الكمبيوتر وطبعا المعامل عهدة على المشرف اللى ماسكها ابو دبلوم ممنوع اقتراب المدرسين والطلبة منها وقسم التطوير التربوى عارف كده حيث ان اغلبية اللى ماسكين بالمدارس ان لم يكن كلهم غير متخصصين مشرفين نشاط وممنوع استخدام الكمبيوتر المدرسى نهائيا بتشجيع ومباركة من قسم التطوير التربوى بالادارة والمديرية والوزارة وتستخدم للاغراض الشخصية فقط وتصوير ورق لكل مدير مدرسة حتى يرضى عن المشرف ابو دبلوم ولايبلغ عنه الادارة من ناحية ارتفاع قيمة فواتير التليفونات وقسم التطوير عارف كده ولسه بيستهبل فى موافقته على صرف قيمة فواتيرالنت الدايل اب لاتستعجبوا نعم مازالت المدارس تعمل على نت الدايل اب ومشرفين النشاط هذا طبعا بالاضافه ان فيه ناس بصراحة متخصصين فى الحاسب الأى كمدرسين دول لاأتكلم عنهم أنما استخدام كمبيوترات المدارس فى الأمور الشخصية وارتفاع قيمة الفواتير والعمل فى غير مواعيد العمل الرسمية بحجة الاخلاص هاتوا فواتير تليفونات معامل الكمبيوتر بالادارة وشوفوا سجل الويب بكمبيوتر كل مدرسة من ملف الاندكس دات تعرفوا هما بيعملوا ايه وتصوير اوراق لغير العمل هذا بجانب رفض هؤلاء الدبلومات مشرفين النشاط كتابه الامتحانات حفاظا على السرية ويقولك روح سيبر ياستاذ ولا مدراء المدارس بيلموا فلوس ليهم علشان يكتبوا الامتحانات هذا اذا كتبت اصلا هذا بخلاف انها سبوبه حيث يقوم المتخصصين منهم باعطاء حصص بفلوس على كمبيوترات المدارس فى دورات اى سى دى ال هذا علنا والكل عارف ومطرمخ علشان اللى ماسك قسم التطوير بالادارة مسلك نفسه ولايوجد متابعين والسيد اللواء اللى ماسك متابعه ذلك بالمديرية مش عارف انه بمدارس المهنى هذا نحن نتكلم عن عدم استخدام المدرسين للاجهزة اللى مشرفين النشاط ماسكينها ومايعرفوش حاجه نهائى عن الكمبيوتر وانما سبوبه وخلاص هى تركة ولن يتحرك احد كالعادة لاننا نراقب ذلك كل اللى بيحصل ان المديرية بترسل شباب روش مش عاوز مشاكل بيملأ ورقه بيانات وخلاص وتنحرق العملية التعليمية بجاز كله كلام على ورق
----
لسه الادارة كلها غير مدرسة الاعدادى بنين وبنات ببركة السبع مجلسه ومقعدة ومرستأة الجماعه اللى ينطبق عليهم القرار 155 لسنه 2007 واعطتهم حصتين تلاته على الورق فقط واسندت اليهم اعمال ادارية على رغم من ان الادارة التعليمية ارسلت لكل مدرسة من فترة كبيرة اسم القيادة التانية والتالته اللى فى بعض المدارس لاتقوم بأى عمل طبعا على الورق هناك عجز لاكن على ارض الواقع فراغ وشاى وكيك ولبان وبسكوت والقيادة التانيه مرحرحه على الاخر وبتنشب عيش فى المدارس هذا تجاوز لقرار رئيس الوزراء من اعطائهم نصابهم كامل على الورق ماهى لجان الوزارة والمديرية يتم زحلقتها علنا وعلى الورق كله تمام لأن رئيس قسم التعليم الاعدادى مش عاوز وجع دماغ
------
الكل هنا مكبر الجى ومروأ الدى
-----
لسه
نشوف بقى الاختيار بالاقدمية
حيث توليه الاقدم وليس الاصلح
-----------
وبنأ عليه نطلب زيارة معالى وزير التربية والتعليم الدكتور أحمد زكى بدر
الى ادارة برة السبع التعليمية
مدرسة عواد
مدرسة الشيمياء
مدرسة الاعدادى المهنى بنين
مدرسة المهنى بنات
مدرسة الاعدادى بنين
مدرسة الاعدادى بنات
مدرسة كفر هلال الاعدادية
مدرسة كفر سبع الرجال
مدرسة الدبايبه
مدرسة امين هلال الاعدادية
مدرسة ميت فارس الاعدادية
مدارس جنزور
كلهم يتبعوا
ادارة بركة السبع الاعدادية
وخط الزيارة سهل لانطلب نزولك من السيارة
كما لانطلب لجان الوزارة او المديرية طوال عمرهم لايكشفوا حقيقة
لابيقطعوا عرق ولابيسيحوا دم
انقل مدرستين اليوم كتكوا وكسه

THE OLDEST IS THE BEST"THE WRONG EDUCATIONAL THEORY IN BERKET ALSABA"- بركة السبع المهرية من القيادات اللى بالأقدمية

هذا بخلاف ان كل حاجه لاتوجد اى نوع من الشفافيه انما خباثة فلاحين
مدير اى مدرسة لايطلع المدرسين والعاملين معاه بما يرسل له من بوسته وبريد من الادارة والمديرية
كلها اسرار مافيش اى نوع من الشفافية
وياسلام لما يكون المتابع المالى والادارى قريبك
يبقى برطع ياعم
هو حد شايفك لسه
المفاجأة هنا بالدليل فيديو وصور تلك المدارس الأيلة للسقوط
انتظروا ولاتنتظروا خير من التعليم فى بركة السبع لايوجد شىء هنا
ان انته مدورتش على نفسك محدش هيدور عليك
بلاوى
بلاوى

----
وبعدين انته عندك أرض وربنا موسع عليك ودماغك مش فاضية للكلامم ده بتاع التربية والتعليم تمسك ادارة ليه
عندك سبوبه معرض سيارات
ولا ملابس نسوان
ولا كمبيوتر
ولا مصنع
ولا راكب عربيه
ولا بتدى دروس
راكب على نفسنا ليه
الناس هنا شغالة بمبدأ اللى يجى من الحكومة فايدة
ان فاتك الميرى اتمرغ فى ترابه
كل حاجه هنا بتتزبط بالتربيطات
هذه علشان جوزها شغال هنا وهنا ودى هنا
شفتم بقى العز
أصل أحنا هنا
فى
دولة بركة السبع
هو حد عارف حاجه ولا حد هيكشف حاجه ولا حد عارف حاجه
-----------------

مواضيع أخرى قد تهمك :

هل أعجبك الموضوع ..؟ هل استفدت منه ..؟ اذن اشترك فورا معنا وضع ايميلك بالاسفل ليصلك جديدنا .

اشترك فى خلاصات الار اس اس